هذا رضيعك عطشان

بسم الله الرحمن الرحيــم
اللهم صل ِ على محمد آل ِ محمد ..كلما ذُكر الأبرار ،
..............
اتنادي ينور القــــرآن..هذا رضيعك عطشان
يحسين چبده اتفطر ...مــن البچي ومن الحر
هذا رضيعك عطشان ..
..........
(1)
لفت زينب لعند حسين...تحشم والگلب مهموم
تنادي ياضـــوه العينين...عبدالله الطفل مالـــوم
اوچبده منفطر نصين ...اطلب ماي من هالگوم
العطش ماينحمل خـويه...اخذ اوياك يالمظلـوم
.........
صاحت بألمها الحرة ..وينك يروح الـــزهرة
فاگد الروح وتعبان ...هذا ريضيعك عطشان
......
(2)
آه الحســــرة والآلام ..ابگلب ريحانة الزهرة
اودعج يانظرعيناي ..گرب وعدي ونفذ امرة
وأوجاع العطش فتن...چبدته وغزته العصرة
وگالها ودموع العين ...سالت وأظهــر العبرة
...
حال العدو مايرحم ...ارجعي اوياه للمحرم
إخذَ اوياك للمــيدان ..هذا رضيعك عطشان
...........
(3)
أخذ منها الرضيع وگد..على گوم الكفر والشر
وصاح ابصوت ياشيعة ..بني سفيان واتحسر
اعرفكم دين ماعدكم ..وعادات العرب تحضر
وأنتم چانكم اعـــراب ...هالطفل چبده اتفطر
....
الرحمة مـــاعدهم ذرة...صوبوا سهم النحرة
هاضت آلام الوجعان...هذا رضيعك عطشان
....
(4)
ويلي السهم من صابه...فرفرعلىصدر احسين
من حــــرت الدم أخلع ...إگماط الچفوف إلثنتين
والبسمه ضوة وجهه ...حس الفرج جاي الحين
هم للشرب من ادماء...ويناظراعـــيون احسين
.....
شابچ اچفوفه عالنحر...احسين گلبه منفطر
ناجه العلي الديان ..هذا رضيعك عطشان
.....
(5)
هامة روحه عالمنحر...وترس چفه دمه وارماه
وأشهد خالق الاكوان..علىسهم الفطم سلــــواه
وصاح الزينب اتحمله...يإختي حرملــــه اسقاه
راح الطفل ياعيناي....ســــــهم النايبه اتـــولاه
....
راح اليناغيني إويشكي...ساكت بعد مايبچي
لاتجلســــون الريان...هذا رضيعك عطشان
.......
(6)
صارت تسأل اسكينه ...يعمه ساكت المدلول
نايم ريــــــع دلالي ...سقوا ماي العده معقول
ورباب الوالـدة هدئة ...وتهزهزبالمهدوتگول
ديليلو يالولد يبني ... ماتدري الــــولد مگتول
......
ساعـه اتحضنه وتشمه....حلوه النومــه يايمه
بالــــــدم ييمه غركان...هذا رضيعك عطشان
.............
(7)
انجمعن والألم يلهب ... الچبد نيرانها تسعر
وحدة اتنوح وابحرگه...يعبدالله صعب نصبر
وحدة اتگلب اچفوفه ...محنه من دِمـَه المنحر
والأم ضمدت جرحه...يبني تصيح گوم اسهر
........
شاهدوا لوعة صدرة ...واگلــــوبهم مســـتعرة
أتْنازع إبْچوي النيران ...هذا رضيعك عطشان
.....
)8(
الولد راح اليسـليني...بعد شترجــــه بأسنيني
ضاعة سلوة آمــالي...يدنيا أشبعـــــــد تانيني
كِثيره اجروح دلالي...ابد مــــــايبطل اونيني
يعبد الله لتنســــــاني...وآنا منســــاك يجنيني
...........
يانوراعيوني يالغالي... انت تبقه آمالـــــــــي
أترجه يعودك الرحمن...هذا رضيعك عطشان
.............
لحن القصيدة بصوت الرادود والشاعرالحاج ابومهند الالنجفي
.عبدالله الرضيع ..هذا رضيعك عطشان
نسالكم الدعاء